Teatër

“Më beso se nuk je vetëm jo
Më beso të lutem ti
Më beso se do t’shkrij jetën
Dhe nuk do të jem larg nga ti.
Beso në diell, beso në diell…”

• 

Me vargjet e këngës “Beso në diell”, hit i viteve 90-ta, përfundoi leximi skenik i shfaqjes “Zgjimi i pranverës” që u performua shkëlqyeshëm nga aktoret dhe aktorët profesionist të Kosovës, në Teatrin Oda. Inskenimi i shfaqjes duke u vendosur në Kosovën e viteve të 90-ta, e mallëngjeu publikun divers që përbëhej nga të rinj, të gatshëm dhe kurioz që përmes shfaqjes të kuptojnë më shumë për bindjet, lojërat, storiet e prindërve të tyre në kohën e adoleshencës, dhe nga publiku më i vjetër që ishin dëshmitarë dhe e kanë provuar atë periudhë të jetës, në atë kohë.

• 

• 

• 

• 

Pas performancës u hap diskutim me publikun për të marrë komente, pyetje apo propozime rreth tematikës dhe procesit të shfaqjes, e cila do të marrë formën e vet finale në mars të vitit 2020, kur edhe do të jepet premiera e shfaqjes “Zgjimi i pranverës”.

Autor: Frank Wedekind; Regjia dhe adaptimi: Zana Hoxha;
Aktorët: Hajat Toçilla, Valmir Krasniqi, Arta Muçaj, Shkelzen Veseli, Labinot Raci, Qëndresa Loki, Verona Koxha, Flamur Ahmeti, Armend Ballazhi.
Muzika: Alzan Gashi; Koreograf: Robert Nuha; Ass.regjie: Arlinda Morina, Kostumografe: Youliana Voykova – Najman; Ndriçimi: Skender Latifi; Dizajni dhe ilustrimi: Vanja Lazić
Produksioni: Artpolis – Qendra për Art dhe Komunitet
Foto: Blerta Hocia

• 

• 

• 

• 

Për herë të parë, Teatri Kombëtar i Kosovës po shfaq në skenë storien e poetit të famshëm, Rumi. Për të treguar storien e tij, trupa e aktorëve janë trajnuar intenzivisht për të prezantuar kërcimin e dervishëve fluturues në mënyren më autentike të mundshme. “Destur”, shkruar nga Musa Ramadani, dhe “Blasfemi e Ëmbël” nga Elif Shafak janë bashkuar e përpunuar mjeshtërisht nga regjisorja Zana Hoxha.

• 

Ndërsa ngjarja ndodh në shekullin e 13të, kjo shfaqje trajton interpretimet e ndryshme të fesë dhe dashurisë dhe konfliktet që ngriten mes intelektit akademik dhe mencurisë së pastër. Shemsi i Tabrizit, një endacak që kërkonte Zotin, ka gjetur formën më të pastër të dashurisë prandaj prezenca e tij i lë të gjithë të transformuar. Mevlana Rumi, është një dijetar dervish i njohur për diturinë akademike ndaj fesë.

• 

• 

• 

• 

• 

Takimi dramatik i këtyre të dyve, në qytetin e Konias, rezulton në një transformim në spiritualitetin e Rumit dhe mënyrën se si ai e sheh fenë dhe dashurinë. Shemsi dhe Rumi, mbyllen në bibliotekën e Rumit për katërdhjetë ditë dhe në secilën prej atyre ditëve e diskutojnë një nga katërdhjetë rregullat e dashurisë. Pytjet filozofike të dashurisë i drejtohen Zotit përgjatë gjithë shfaqjes por magjia e vërtetë gjindet në mënyrën se si këto pyetje diskutohen edhe në përditshmëri, drejturar dashurisë romantike të shekullit 21. Shemsi mësoi Rumin se si ta hap zemrën dhe si të ç’mësojë atë që kishte mësuar.

• 

• 

• 

Në rolet kryesore: Rumi: Çun Lajçi, Shemsi: Shkelzen Veseli Rolet tjera: Armend Smajli, Edlir Gashi, May-linda Kosumoviç, Semira Latifi, Anisa Ismajli, Basri Lushtaku, Kushtrim Qerimi, Flamur Ahmeti, Armend Ballazhi, Mikel Markaj, Selman Jusufi, Florent Salihu, Blend Sadiku, Leonit Maloku. Koreografia: Robert Nuha, Kostumografe dhe Skenografe: Youliana Vojkova-Najman, Muzika: Memli Kelmendi, Assistente Regjie: Flutura Çelaj, Inspicient: Bajram Mehmetaj, Ndriçimi: Sherif Salihu dhe Mursel Bekteshi, Tonist: Arben Aliu, Shef Skene: Aziz Maloku. Shfaqja është dedikim aktorit symbol të Teatrit Kombëtar z. Istref Begolli.

• 

25.05.2018

Nga data 28 gusht deri më 10 Shtator, 2017 artistët/et e Teatrit La MaMa në partneritet me Qendrën Artpolis, në teatrin Oda në në Prishtinë dhe në fshatin artistik Kukaj u fokusuan për të ngritur kapacitete të reja të artistëve dhe artisteve në eksplorimin e zërit, muzikës dhe gjesteve, si dhe duke përdorur tekstin nga produksioni i famshëm i La MaMa’s së vitit 1974 “TROJANET”.

Rreth La Mama-së:
Teatri eksperimental La Mama i është dedikuar të gjithë artisteve/ëv kudo nëpër botë. Teatri u themelua në vitin 1961 nga Ellen Steëart, ndërsa tradicionalisht njihet si teatri i të gjitha kulturave botërore. La Mama ka prezantuar më shumë se 150.000 artistë nga mbarë bota në qindra vende të ndryshme. Çdo vit teatri La Mama prezenton mbi 80 produksione, ndërsa vizitohet nga 34.000 vizitorë të të gjitha moshave. Ky teatër përkrahë çdo individë që krijon art duke ju dhënë mundësi promovimi dhe mbështetje financiare.

Shfaqja “TROJANËT” me produksion të Zana Hoxhës mbështetet në një dramë të lashtë greke që nxit një mjedis të favorshëm për të ushqyer dhe forcuar marrëdhëniet ndërmjet komuniteteve. Ajo ndërthur jetën dhe luftën e kohëve të lashta me kohët moderne, duke pasqyruar vuajtjen, dashurinë, jetën, mirëqenien, solidaritetin dhe bashkëpunimin. Kjo shfaqje bazohet në dramën 2500 vjeçare “Trojanet” dhe në temat e saj të luftës, zhvendosjes, dhunës kundër grave, fëmijëve dhe gjenocidit.

Funksioni i teatrit për shekuj me radhë ka qenë gjetja e një arsye dhe ndjenjës së përbashkët të njerëzimit për të krijuar një botë më të mirë. Inskenimi i saj është unik në mënyrën se si ndërveprojnë aktorët dhe publiku. Fuqia e kësaj shfaqje të veçantë është vërtetuar në prezentime gjatë 40 viteve të fundit dhe në më se 30 kombe.

“Trojanet” është e veçantë sepse përdorë një kombinim të punëtorive, provave, prezantimeve, dialogut dhe ndërgjegjësimit të komunitetit.

Pjesëmarrja e 30 artistëve dhe aktivistëve rezulton në një bashkëbisedim të përbashkët të gjuhës së paqes, dashurisë dhe solidaritetit që shërben si udhërrëfyes për brezat e ardhshëm të artistëve dhe aktivistëve të kulturës.

Pjesëmarrësit eksperimentojnë me metodat e forcimit të zërit dhe përdorimin e zërit të pastër gjatë këtij programi. Nxënësit eksperimentojnë me gjestet dhe gjuhën e trupit. Artisti(ët) studiojnë muzikën dhe shtojnë këngë, histori dhe lëvizje nga përvojat e tyre personale në material. Partneriteti do të jetë në formën e një ansambli. Një zonë bisede do të sigurohet për procesin e prodhimit, temat e shfaqjes dhe lidhjet me jetën tonë të përditshme.